Í gærkvöldi barst lögreglunni á höfuðborgarsvæðinu tilkynning um rán og líkamsárás í Breiðholti.
Par hafði auglýst Apple snjallúr til sölu. Þau höfðu í framhaldi af því átt í viðræðum við konu sem sagðist vilja kaupa úrið. Konan bað þau um að koma með úrið að heimili hennar í Breiðholti. Þegar parið mætti með úrið biðu tveir menn og kona eftir þeim, börðu þau með keðju og rændu úrinu. Þetta kemur fram í dagbók lögreglu.