Rétt fyrir miðnætti í gær barst lögreglunni á Höfuðborgarsvæðinu tilkynning um líkamsárás í Hlíðahverfi.
Sá sem varð fyrir árásinni var fluttur á bráðdeild en ekki er vitað um meiðsl hans að svo stöddu.
Árásaraðilar voru farnir þegar lögreglan kom á vettvang en voru handteknir skömmu síðar og vistaðir í fangageymslu lögreglu. Þeir eru grunaðir um líkamsárás, eignaspjöll og fleira.