Það mátti sjá vonbrigði í augum fjölmargra gesta á landsþingi Demókrataflokksins í Bandaríkjunum í nótt þegar það rann upp fyrir þeim að poppsöngkonan Beyoncé væri fjarri góðu gamni og tæki ekki þátt í gleðinni.
Fjölmargir miðlar vestanhafs höfðu gefið það út að söngkonan myndi spila stórt hlutverk í þeirri athöfn sem fram fór í nótt þegar Kamala Harris, varaforseti Bandaríkjanna tæki við útnefningu flokksins sem forsetaefni þeirra í komandi forsetakosningum vestanhafs sem fara fram í nóvember.
Þeirra á meðal var fréttavefurinn TMZ sem hingað til hefur alltaf hitt naglann á höfuðið þegar það kemur að fréttum af ríka og fræga fólkinu í Bandaríkjunum. Svo mikil var eftirvæntingin að fjöldi gesta á landsþinginu var klætt eins og Beyoncé í tónlistarmyndbandinu við nýjasta slagarann hennar Texas Hold‘em.
Enginn vildi leiðrétta kjaftasöguna
Það var hins vegar keppinautur TMZ – fréttavefurinn Hollywood Reporter – sem færði bandarískum demókrötum þær „ömurlegu“ fréttir að Beyoncé yrði ekki hluti af athöfninni sem fór fram í nótt en landsþingi flokksins lauk með útnefningunni og ræðu varaforsetans sem þótti, að mati margra, hvorki fugl né fiskur.
Eitt hefur þó vakið athygli og það er sú staðreynd að enginn úr herbúðum Beyoncé virðist hafa lagt það á sig að leiðrétta þennan „orðróm“ um að hún myndi koma fram á landsþinginu. Breska blaðið DailyMail reyndi til að mynda ítrekað að fá svör við því hvort hún yrði viðstödd landsþingið í Chicago en hafði ekki erindi sem erfiði. Upplýsingafulltrúi söngkonunnar til margra ára var ein af þeim sem svaraði ekki fjölda fyrirspurna frá hinum ýmsu miðlum en tók sig þó til á endanum og deildi frétt Hollywood Reporter.
Beyoncé tekur algjöra U-beygju vegna forsetakosninganna í Bandaríkjunum
ALLT VARÐ VITLAUST Á LANDSÞINGINU ÞEGAR LAG MEÐ BEYONCÉ FÓR AF STAÐ EN STÓRSTJARNAN VAR FJARRI GÓÐU GAMNI: