Bjarni Benediktsson, fjármála- og efnahagsráðherra, sýndi enn á ný fram á bökunarhæfileika sína á Instagram í gær þegar hann birti mynd af nýjustu afmæliskökunni sem hann bakar.
Kökuskreytingarhæfileikar Bjarna hafa vakið mikla athygli. Þegar Lína varð þriggja ára gömul skreytti Bjarni kökuna hennar með Línu langsokki og vakti það landsathygli.
Þegar hún varð fjögurra ára gömul skreytti Bjarni svo kökuna með Gurru grís og vakti það ekki minni athygli. Náðargáfa Bjarna í skreytingunum var svo í aðalhlutverki á ný í myndbandi Sjálfstæðisflokksins fyrir kosningarnar 2016 og vakti það gríðarlega athygli.
Í þetta skipti var kakan skreytt eftir teiknimyndinni The Secret Life of Pets. Glæsileg kaka!