Regína og Max voru send heim eftir glæsilega frammistöðu í Allir geta dansað í gærkvöldi. Dómararnir voru orðlausir.
„Á dauða mínum átti ég von á en ekki þessu. Er eiginlega brjáluð, mér fannst þau vera á topp þremur en svona er þegar símakosning er annars vegar. Þið getið gengið hnarreist frá borði, glæsileg frammistaða!“ sagði Selma Björns, einn dómari keppninnar.
„Ég veit ekki alveg hvað ég á að segja og finnst þetta ekki sanngjarnt. Það er búið að vera unun að fylgjast með Regínu í þessu ferli,“ sagði Jóhann, meðdómari Selmu.
Fyrirkomulagið í þáttunum er þannig að einkunnir dómara gilda helming á móti símakosningu. Regína og Max fengu samtals 25 í einkunn frá dómurum. Eftir að símakosningu lauk var ljóst að þau voru með fæst stig og voru því send heim.
Hér fyrir neðan má sjá frammistöðu Regínu og Max frá því í gærkvöldi.