Flugfélagið Play hafði áætlað að hefja sölu á fyrstu flugmiðunum í nóvember.
Í tilkynningu frá félaginu á Facebook síðu þeirra kemur fram að það muni ekki takast og biðjast þeir afsökunar á töfunum.
„Stefnt var á að hefa miðasölu í nóvember, en vegna óviðráðanlegra aðstæðna þurfum við að seinka sölunni lítillega.“ Ekki er tekið fram hvenær sala á miðunum muni hefjast.
„Ekki örvænta, við erum að vinna hörðum höndum að því að hefja sölu og hlökkum við mikið til að sýna ykkur afraksturinn innan skamms,“ segir í tilkynningunni.