Lottópotturinn verður tvöfaldur næsta laugardag þar sem enginn var með allar tölurnar réttar að þessu sinni. Fjórir skiptu með sér bónusvinningnum og hlýtur hver þeirra 111.260 kr. Þrír miðanna eru í áskrift en sá fjórði var keyptur í N1 á Blönduósi.
Sex voru með fjórar réttar tölur í réttri röð í Jókernum og fá þeir 100 þúsund krónur hver í vinning. Tveir miðanna eru í áskrift, einn var keyptur á lotto.is, en hinir voru keyptir í Kaupfélagi V-Húnvetninga á Hvammstanga, Hagkaupum í Smáralind og Extra, Kaupangi á Akureyri.