Í tilkynningu frá Almannavörnum kemur fram að sextán manns hafi greinst með Covid-19 innanlands í gær. Þar af voru 6 í sóttkví.
Eftir daginn í gær eru 385 einstaklingar í sóttkví og 124 í einangrun. Þá var aldraður einstaklingur lagður inn á sjúkrahús um helgina með Covid-19, fullbólusettur.
Niðurstöður um hversu margir sem greindust smitaðir um helgina voru bólusettir, liggja fyrir seinna í dag.