Rithöfundurinn og fjölmiðlakonan Björg Magnúsdóttir er gestur vikunnar í Einkalífinu á Vísi
Hún gekk í gegnum slæma lífsreynslu á síðasta ári þegar hún gekk í gegnum skilnað við fyrrverandi eiginmann sinn York Underwood.
„Það er ekki gaman að skilja og ég er ekki fyrsta manneskjan til að segja það,“ segir Björg.
„Það ætlar enginn að skilja og þú ert að halda á einhverju sem á ekki að brotna og þú ætlar ekki að láta það brotna og svo bara brotnar það, og það er stundum bara óhjákvæmilegt. Maður upplifir bara margskonar tilfinningar eins og vonbrigði, reiði, niðurlægingu, sorg og allt það. Ég er ekki að teikna mig upp sem eitthvað fórnarlamb, þetta er bara einn skilnaður.”