Þórólfur Guðnason sóttvarnalæknir mun í dag skila til Svandísar Svavarsdóttur heilbrigðisráðherra minnisblaði með tillögum að hertum sóttvarnaaðgerðum innanlands. Boðað verður til ríkisstjórnarfundar þegar minnisblaðið berst.
Á upplýsingafundi Almannavarna í morgun vildi Þórólfur ekki fara yfir það hvaða tillögur hann væri með á blaði en sagði þetta þó vera aðgerðir sem við höfum áður lagst í.
„Mér finnst það ekki viðeigandi en við höfum verið að grípa til svipaðra ráðstafna fyrr í faraldrinum sem hafa nýst okkur vel. Ég held að við þurfum að nýta okkur það áfram,“ sagði Þórólfur í samtali við fréttastofu vísis