Tónlistarkonan Una schram gaf út nýtt lag, „Get Away“, föstudaginn 18. október. Er þetta fyrsta lagið sem hún gefur út hjá Les Fréres Stefson útgáfunni en lagið er pródúserað af dönsku trap-tónlistarmönnunum Rob Smyles og JenneJenne .
„Get Away“ fjallar um sjálfsvirðingu og það að komast yfir skaðleg áhrif einhvers utanaðkomandi og hvernig best sé að setja sér mörk til þess að koma í veg fyrir að vaðið sé yfir þig. Una schram vakti fyrst athygli eftir að hún gaf út smáskífu í samstarfi við Ra:tio fyrr á þessu ári.
Una er ein af ungum og upprennandi tónlistarmönnum í samstarfsverkefni Iceland Airwaves og Landsbankans fyrir tónlistarhátíðina í ár en hún kemur fram á hátíðinni 6. og 9. nóvember næstkomandi.