Það er aldrei of seint að byrja! Nýtt dansár er að hefjast hjá DanceCenter RVK í KristalHofinu og leggur DanceCenter RVK sig fram við að bjóða upp á fjölbreytt námskeið fyrir alla aldursflokka.
Fyrir eldri hópa, 25+ og allt upp í 50 og þar um kring, er boðið upp á námskeið fyrir þá sem vilja upplifa dansarann í sér og komast í form. Boðið er m.a. upp á 4 vikna Dansþol á mánudögum kl.18.30. Fullkomið fyrir vinkonuhópa og saumaklúbba eða hópefli fyrir deildir innan fyrirtækja. Eftir tímana er hægt að ylja á sér kroppinn í sauna á köldum vetrarkvöldum. Í tímunum er m.a. lofað árangri sem skilar sér í meiri starfsánægju innan fyrirtækja.
Fyrir mæðgur sem vilja sprella, æfa og virkja tengslin er boðið upp á frábæra tíma sem eru einir sinnar tegundar á landinu og sérsniðnir af dansskólanum fyrir mæðgur/mæðgin. 4 vikna MæðginaDansGleði á miðvikudögum kl.17.30.
Fyrir ungu kynslóðina er síðan boðið upp á vandað 12 vikna Commercial Hip Hop & Jazz námskeið fyrir 12-14 ára svo stiklað sé á stóru.
Nanna Ósk eigandi DanceCenter RVK, segir dansskólann vera fyrir alla sem eiga það sameiginlegt að hafa „ástríðu” fyrir dansi, bæði byrjendur og þá sem lengra eru komnir. Með dansafli er vísað til jákvæðra áhrifa sem dansinn hefur á líkama og sál og þeirri gleði sem hann gefur þeim, sem hann stundar. Slagorð DanceCenter Reykjavík vísar til þessara áhrifa.
“Upplifðu DansGleðina!”
Kíktu á dancecenter.is og finndu drauma-dansnámskeiðið þitt!