Íslendingur vann tæplega 62 milljónir í getraunum um helgina og er þetta stærsti vinningur sem Íslendingur hefur unnið í getraunum.
Hann var heldur betur gáttaður vinningshafinn þegar hann mætti á skrifstofu Íslenskrar Getspár að sækja vinninginn.
,,Svo vildi til að vinningshafinn var staddur í laxveiði og hafði brugðið sér á klósettið. Hann var inni á klósettinu með símann og miðann góða og datt í hug að kanna úrslit helgarinnar. Þar komst hann að því að hann var einn með 13 rétta og hafði hirt allan pottinn. Það var víst lítið veitt næstu daga, “ segir í tilkynningu frá Íslenskri Getspá.