Karl bretlandskonungur hefur svipt bróður sinn, Andrew prins, allri opinberri framfærslu en prinsinn var með tæpar 200 milljónir á ári í framfærslu frá bresku krúnunni.
Andrew hefur verið þyrnir í augum bresku konungsfjölskyldunnar síðan ásakanir komu fram gegn honum um misnotkun á miklum fjölda af ungum stúlkum.
Fyrir tveimur árum samþykkti hann svo að borga ungri konu 12 milljónir punda, um tvo milljarða íslenskra króna, í skaðabætur fyrir að misnota hana á hinni alræmdu Epstein eyju en það var breska krúnan sem borgaði upphæðina og vakti það mikla reiði í Englandi og í kjölfarið svipti Elísabet drottning hann öllum opinberum skyldum.
Það var þó ekki nóg til að prinsinn yrði sviptur framfærslu sinni heldur voru það húsnæðisdeilur milli bræðranna sem ollu því að konungurinn fékk nóg.
Býr í 30 herbergja setri
Andrew hefur neitað að flytja úr hinu glæsilega Royal Lodge setri sem hann hefur búið í ásamt fyrrum konu sinni, Söru Ferguson en það er um 30 herbergja glæsibýli í Windsor.
Ástæða þess að honum er gert að flytja er vegna hefða bresku fjölskyldunnar en þær eru flóknar en tengjast því eftir dauða drottningarinnar er öll erfðaröð breytt og prinsinn því ekki í sömu valdastöðu og áður.
Andrew hefur neitað að flytja inn í fimm herbergja húsið sem Harry bretaprins og kona hans, Meghan Markle bjuggu í áður en hann segir flutninginn niðurlægingu fyrir sig.
Nú þegar hann hefur verið sviptur opinberri framfærslu er ólíklegt að hann hafi efni á viðhaldi á hinu glæsilega Royal Lodge en það er engin eftirspurn eftir prinsinum í vinnu eftir að upp komst um vinskap hans við hinn alræmda Jeffrey Epstein (innskot blaðamanns: sem framdi ekki sjálfsmorð).