Youtube rásin Global Life Discoveries er með rúmlega 50 þúsund fylgjendur en fyrir nokkrum dögum kom út sérstakur þáttur um Ísland.
Þátturinn hefur fengið rúmlega 50 þúsund áhorf en myndbandið er vafasamt fyrir nokkurra hluta sakir.
Í því er farið yfir helstu hluti sem tengjast landinu og er farið yfir nokkrar áhugaverðar staðreyndir um Reykjavík.
Farið er yfir helstu áfangastaði sem ferðamenn þurfa að heimsækja til að fá sem mest út úr heimsókninni.
Þá er einnig talað um ákveðna hluti í menningu landsins og hversu dýrt er að lifa á landinu en svo kemur að hlutanum sem líklega þykir vafasamastur.
Það er talað um íslenskar konur og stúlkur og hvernig best sé að kynnast þeim en íslenskar konur eru sagðar eldast sérlega vel.
Þá er rakið hvernig best sé að bera sig að til að komast í “náin kynni” við íslenskar konur en án þess að spilla innihaldi myndbandsins of mikið er farið yfir hvaða stefnumótaforrit virka best, hvaða aðferðir sé best að nota sérstaklega á íslenskar konur og fleira.
Það vekur kátínu margra að í myndbandinu er haldið uppi gömlu mýtunni um að íslendingar noti Íslendingabók sem einskonar stefnumótaforrit til að komast hjá því að lenda í skyndikynnum við náinn ættingja.
En það virðist ekkert lát vera á orðstír landsins um að það sé einskonar kynlífsparadís fyrir erlenda ferðamenn og landið auglýst sem staður þar sem auðvelt er að stunda kynlíf með innfæddum konum.
Myndbandið má sjá í heild sinni hér fyrir neðan.