Það er óhætt að segja að ræða Donald Trump, forseta Bandaríkjanna, fyrir bandaríska þinginu í gær hafi verið vel tekið af Bandaríkjamönnum. Samkvæmt könnunun CBS fréttastöðvarinnar voru 76% áhorfenda ánægðir með ræðuna og einungis 23% óánægðir.
Þá sögðu 74% áhorfenda að Trump hefði verið hvort í senn forsetalegur og skemmtilegur en Trump er þekktur fyrir að slá á létta strengi og pönkast í pólitískum andstæðingum sínum þegar hann fær tækifæri til. Óhætt er að segja að hann hafi ekki látið það tækifæri fara til spillis í gær.
Þetta háa hlutfall ánægðra bendir til þess að Trump hafi tekist að tengjast fólki á persónulegan hátt og er í hrópandi mótsögn við lýsingar fréttastofu RÚV en fréttakonan Jóhanna Vigdís Hjaltadóttir og Friðjón R. Friðjónsson stjórnmálaskýrandi áttu mjög bágt með að leyna hneykslan sinni og vandlætingu í fréttatíma kvöldsins.
„Það er eins og allt með þennan mann, að hann er eins og fíll í postulínsbúð, og síðan hvað hann var að segja í ræðunni og svo framvegis… Þetta var ekki stefnuræða til þjóðarinnar, þetta var kosningaræða, hann var ennþá að tala um Biden þó hann hefði unnið hann fyrir tveimur og hálfum mánuði síðan,“ sagði Friðjón lítt hrifin.
En skilaboð Trump náðu vel til almennings í Bandaríkjunum. Mikill meirihluti sagði ræðuna hafi gefið þeim von og að hún hafi sameinað þjóðina. Þessi jákvæðu viðbrögð endurspegla breytta skynjun Bandaríkjamanna á Trump, sem hefur notið aukins stuðnings frá því hann tók við embætti á ný í janúar 2025.
Eitt af því sem stendur upp úr í könnuninni er hversu margir telja Trump vera að standa við kosningaloforð sín. Meðal áhorfenda sögðust flestir finnast forsetinn tala um málefni sem skipta þá máli, eins og að lækka vöruverð og takast á við efnahagslegar áskoranir.
Tveir þriðju áhorfenda töldu Trump hafa skýra áætlun um að lækka verð, sem hefur verið eitt af
hita málum Bandaríkjamanna undanfarið. Þá voru 73% ánægðir með plön Trumps um að enda stríðið á milli Rússa og Úkraníu.
Þetta er í samræmi við fyrri kannanir, meirihluti svarenda sagði að stjórn Trumps væri orkumikil og einbeitt í því að efna loforð sín. Niðurstöður kannana benda til þess að Trump njóti nú breiðari stuðnings á meðal Bandaríkjamanna en á fyrra kjörtímabili sínu.