Donald Trump, forseti Bandaríkjanna, hefur undirritað forsetatilskipun og fyrirskipað afléttingu leyndar á skjölum sem tengjast morðunum á John F. Kennedy, Robert F. Kennedy og Martin Luther King Jr.
Í tilskipuninni er sagt að eftir meira en 60 ára leynd eigi fjölskyldur fórnarlambanna og bandaríska þjóðin rétt á sannleikanum.
Framkvæmdin
1. Full aflétting á JFK skjölum innan 15 daga:
Stjórnendur leyniþjónusta og aðrir embættismenn eru skyldaðir til að leggja birta öll skjöl sem tengjast morðinu á John F. Kennedy.
2. Endurskoðun á RFK og MLK skjölum innan 45 daga:
Skjöl sem tengjast morðunum á Robert F. Kennedy og Martin Luther King Jr. verða yfirfarin tafarlaust og áætlun um birtingu þeirra verður kynnt innan 45 daga.
Bindur enda á áratuga leynd og samsæriskenningar
Forsetatilskipunin kemur í kjölfar fyrri aðgerða Trumps þar sem hann hvatti til þess að draga úr ritskoðun á JFK-skjölum.
Forsetinn sagði núverandi frestun á birtingu skjala vera „ekki í þágu almennings“ og fyrirskipaði tafarlausa birtinguþeirra.
Þrátt fyrir að lög frá 1992 hafi skyldað stjórnvöld til að birta skjölin innan 25 ára var þeim áfram haldið leyndum vegna þjóðaöryggismála sem tenjgast hernaði, leyniþjónustu og erlendum samskiptum.
Trump gagnrýndi fyrri frestanir á birtingu, sérstaklega í forsetatíð Joe Biden.
Loforðið uppfyllt
Trump hafði lofað í kosningabaráttu sinni að tryggja að skjölin yrðu gerð opinber.
Í ræðu sinni í júní 2024 sagði hann: „Þegar ég kem aftur í Hvíta húsið mun ég aflétta og opinbera öll skjöl sem tengjast morðinu á JFK. Það eru liðin 60 ár, tími til kominn að bandaríska þjóðin fái að vita sannleikann!“
Tilskipunin er liður í því að efla traust almennings með því að ljóstra upp mikilvægum sögulegum upplýsingum sem hefur verið haldið leyndum í áratugi og verið uppspretta endalausra samsæriskenninga
Það verður spennandi að fylgjast með framvindu málsins og áhrifum þess á sögulega umræðu í Bandaríkjunum.