Þrítugur karlmaður kveikti í sér inni í stórmarkaðnum Publix í borginni Plant City í Flórída í Bandaríkjunum.
Hindustan times greindi frá því að ekki sé vitað hvaða ástæðu maðurinn hafði til að kveikja í sér og ekki er vitað hverju hann hellti yfir sig en það virðist hafa verið eitthvað mjög eldfimt þar sem fólk sem reyndi að koma manninum til hjálpar gat ekki slökkt í honum.
Maðurinn liggur nú á gjörgæslu og er óvíst hvort hann komi til með að lifa af.
Atvikið er sagt minna á þegar Aaron Bushnell framkvæmdi svipaðan gjörning fyrir framan ísraelska sendiráðið til að mótmæla ástandinu í Palestínu.