Hráefni í botninn:
150 grömm hafrakex mulið vel niður, gott er að gera það í matvinnsluvél
6 msk bráðið ósaltað smjör
Hráefni í fyllinguna:
680 grömm rjómaostur
180 grömm flórsykur
1 msk vanilludropar
1 tsk sitrónusafi
hnífsoddur af salti
240 ml rjómi
3 snickers, söxuð niður
Hráefni í sósuna á toppinn:
1 snickers, saxað niður
110 grömm karamellusósa (keypt eða heimalöguð)
Aðferð:
1. Smyrjið smelluform eða setjið bökunarpappír í það. Blandið saman hafrakexinu og bráðna smjörinu vel saman í skál. Hellið þessu síðan í formið og þrýstið vel í formið svo úr verði jafn og þéttur botn. Geymið í kæli á meðan fyllingin er útbúin.
2. Þeytið rjómaostinn þar til hann verður mjúkur og rjómakenndur. Bætið þá flórsykrinum saman við og þeytið vel saman í um 2-3 mín. Bætið þá vanillu, sítrónusafa og salti saman við. Þeytið áfram í um 2 mín. Stillið síðan á lægstu stillingu á meðan rjómanum er hellt saman við.
3. Blandið snickers bitunum saman við með sleif. Hellið núna fyllingunni yfir botninn í forminu og geymið í kæli í nokkra tíma áður er kakan er borin fram. Rétt áður en hún er borin fram er hellt yfir hana karamellusósu og söxuðu snickers.