Nikocado Avocado er kannski ekki mörgum Íslendingum kunnur en hann er vinsæl Youtube stjarna með tæplega fjórar milljónir áskrifenda.
Avocado sló í gegn á sviði sem er mjög umdeilt í Youtube heiminum en það kallast „muckbanging“ eða ofur át.
Það snýst um að éta ótrúlegt magn af mat í einni lotu og taka það upp og er það mjög vinsælt áhorfsefni hjá ákveðnum hópum.
Margir af þeim sem stunda slíkt hafa hreinlega étið sig í hel en flestir fitna gríðarlega enda er verið að innbyrða óheilbrigt magn af hitaeiningum og maturinn sjaldan hollur.
Ótrúleg breyting
Avocado byrjaði sem grannur unglingur eins og sjá má á myndinni og vegna þessa byrjaði hann að fá mikið áhorf þar sem fólk trúði ekki hversu mikið hann gat borðað í einu.
Það tók hann þó ekki nema nokkur ár að fara í mikla yfirþyngd og talaði hann mikið um þau heilsufarsvandamál sem því fylgdu en um tíma var hann kominn með súrefnisgrímu.
Nú hefur Avocado þó lést um næstum 120 kíló á örfáum mánuðum og hafa margir spurt hvort lyfið Ozempic hafi komið við sögu an Avocado hefur hvorki staðfest né neitað því.
Hann er þó orðinn betri til heilsunnar en segist þó ekki hættur í át-senunni svo það er óvíst hversu lengi þyngdartapið endist.