Dr. Johanna Olson-Kennedy er þekktur aðgerðasinni og læknir sem hefur talað fyrir því að börn sem talin eru trans fái hormónabælandi lyf en slíkt hefur verið mjög umdeilt seinustu ár.
Stór rannsókn sem gerð var nýlega var ætlað að athuga áhrif þessara lyfja á geðheilsu trans-barna en rannsóknin var fjármögnuð með skattpeningum bandarískra borgara og kostaði rúmlega einn og hálfan milljarð íslenskra króna og stóð yfir margra ára tímabil.
Dr. Kennedy tók sig til og reyndi að leyna niðurstöðum rannsóknarinnar með því að birta ekki niðurstöður sínar en á endanum voru niðurstöðurnar birtar.
Ástæðan fyrir gjörðum Dr. Kennedy er að hennar eigin sögn sú að hún óttaðist að niðurstöður rannsóknarinnar yrðu notaðar sem vopn af gagnrýnendum þeim sem vilja ekki að börnum séu gefin slík lyf.
Samstarfsmenn hennar komu upp um tilraunina
Einnig sagðist hún óttast að þær yrðu notaðar sem rök fyrir því að slík lyf yrðu ekki gefin börnum í framtíðinni.
Samkvæmt niðurstöðum rannsóknarinnar voru engar mælanlegar bætingar á geðheilsu þeirra sem fengu hormónabælandi lyf en ekki segir til um hvort hún hafi versnað.
Dr. Kennedy hefur verið harðlega gangrýnd fyrir tilraun sína til að leyna niðurstöðunum og koma sumir gagnrýnendum úr hennar eigin rannsóknarteymi sem segja að tilraun hafi verið gerð til að halda mikilvægum upplýsingum frá almenningi.
Fólkið sem stóð að rannsókninni með Dr. Kennedy gagnrýndu líka tilraunir hennar til að breiða yfir líðan þátttakenda til að fegra rannsóknina en hún sagði að öllum sem tóku þátt í rannsókninni hafi liðið vel á sál og líkama, bæði fyrir og eftir rannsókn.
„Þetta er í algjörri þversögn við allar vísindalegar aðferðir. Þú gerir rannsókn og þú birtir niðurstöðurnar. Þú breytir þeim ekki og þú reynir sannarlega ekki að hylja yfir rannsóknina vegna þess að þér líkar ekki það sem kom út úr rannsókninni. Þú birtir á faglegan hátt það sem kom út úr rannsókninni“
Samstarfsmenn hennar segja að slík hafi raunin ekki verið og að meðal annars hafi um fjórðungur þátttakenda verið með alvarlegt þunglyndi og glímt við sjálfsvígshugsanir.
Dr. Kennedy er sögð ein af helstu sérfræðingum Bandaríkjanna í málefnum hinsegin barna og hefur vitnisburður hennar verið notaður í rúmlega 20 fylkjum til þess að leyfa notkun hormónabælandi lyfja á börnum og unglingum.
Óttaðist að niðurstöðurnar yrðu notaðar gegn henni
Í viðtali við New York Times var spurð hvers vegna hún hefði leynt niðurstöðum rannsóknarinnar allan þennan tíma og svaraði hún því til að hún vildi alls ekki að hennar vinna yrði notuð sem vopn í baráttunni gegn hormónabælandi lyfjum.
Annar sérfræðingur í málefnum hinsegin barna, Erica Anderson, sagði að hún væri í áfalli eftir að hafa séð niðurstöður rannsóknarinnar.
„Við erum búin að óska eftir slíkum upplýsingum í áraraðir og það er ekki hennar að reyna að fela niðurstöðuna bara vegna þess að henni líkar hún ekki.“
Hún sagði einnig að hún væri ekki að kaupa rök Dr. Kennedy um ástæðu þess að rannsókninni var leynt.
„Þetta er í algjörri þversögn við allar vísindalegar aðferðir. Þú gerir rannsókn og þú birtir niðurstöðurnar. Þú breytir þeim ekki og þú reynir sannarlega ekki að hylja yfir rannsóknina vegna þess að þér líkar ekki það sem kom út úr rannsókninni. Þú birtir á faglegan hátt það sem kom út úr rannsókninni,“ sagði Anderson að lokum.