Í dag varð uppi fótur og fit á Akureyri þegar skip sem var að landa veiðarfærum við bryggju Útgerðarfélags Akureyrar (ÚA) uppgötvaði hlut sem talinn er vera gömul djúpsprengja.
Tilkynning barst Landhelgisgæslunni og lögreglunni á Akureyri um málið, en þau brugðust skjótt við með því að loka hafnarsvæðinu í kringum ÚA.
Starfsemi í fiskvinnslunni við bryggjuna hefur verið stöðvuð, en samkvæmt upplýsingum er engin hætta talin vera utan lokunarsvæðisins.
Sérsveit Ríkislögreglustjóra er á vettvangi og hefur stjórnað aðgerðum þar til sérfræðingar Landhelgisgæslunnar komu á staðinn til að meta stöðuna nánar.
Ákvörðun verður tekin um hvernig sprengjunni verður eytt, en líklegast verður hún dregin út á haf og eytt þar til að lágmarka áhættu.
Nýjustu uppfærslur: Lokanir í nærliggjandi götum
Lögregla tilkynnt rétt í þessu að sprengjan verði færð á hafnarsvæðinu til austurs frá bryggjunni.
Vegna flutningsins verður lokunarsvæðið stækkað tímabundið. Lokanir munu meðal annars ná til Hjalteyrargötu á milli Hagkaups og Silfurtanga, sem og Fiskitanga.
Þessar lokanir gætu staðið yfir í um 20-30 mínútur á meðan aðgerðin fer fram.
Íbúar og vegfarendur eru beðnir um að fylgja leiðbeiningum lögreglu á meðan vinna við sprengjuna stendur yfir.
Engin frekari hætta er talin stafa af sprengjunni að svo stöddu.