Það er óhætt að segja að myndskeiðið sem náðist í vetur við Heimskautsgerðið á Raufarhöfn hafi verið einstakt en í því sést þegar loftsteinn springur með ljósblossa yfir svæðinu.
Svo heppilega vildi til að Babak Tafreshi var að mynda þegar þetta gerðist og náði augnablikinu á myndband en myndina sem NASA, geimferðastofnun Bandaríkjanna, valdi sem stjörnumynd dagsins hjá sér tók Jennifer Franklin.
Frá því að myndin fékk þann heiður að vera valin af NASA hafa tugir milljóna séð myndina og ætti því að vera góð landkynning þó nokkuð sé frá birtingu hennar.
Hér fyrir neðan má sjá myndskeiðið sem myndin er unnin úr.