Á umdeildum fundi í Hvíta húsinu lenti Volodymyr Zelensky, forseti Úkraínu, í hörðum orðaskiptum við Donald Trump, forseta Bandaríkjanna, og JD Vance, varaforseta.
Báðir tóku þeir harðorðan tón gagnvart Zelensky og gagnrýndu aðferðir hans í stríðinu við Rússland sem og nálgun hans gagnvart Bandaríkjunum.
Varaforsetinn með harða gagnrýni
JD Vance hóf gagnrýni sína með því að saka Zelensky um að koma til Bandaríkjanna til að „reka mál sitt fyrir framan bandaríska fjölmiðla“ í stað þess að sýna þakklæti fyrir stuðning Bandaríkjanna.
Hann hélt því fram að Úkraína ætti í alvarlegum vanda með að manna her sinn og væri að neyða óbreytta borgara til að fara í stríð með því að ræna þeim af götum úti.
„Þú ættir að vera þakklátur forsetanum [Trump] fyrir að reyna að binda enda á átökin,“ sagði Vance og vísaði til þess að Trump hefði lagt áherslu á að finna lausn á stríðinu.
Zelensky brást reiður við þessum ásökunum og spurði Vance hvort hann hefði yfirhöfuð komið til Úkraínu. „Hefur þú verið í Úkraínu að þú teljir þig vita hvaða vandamál við glímum við?“ spurði hann og benti á að fjölmiðlar væru ekki áreiðanlegasta heimildin.
„Þú átt engra kosta völ. Menn þínir eru að deyja, þú ert að verða uppiskroppa með hermenn“
Vance svaraði því til að hann vissi hvernig hlutirnir væru og sakaði Zelensky um að „reka áróðursherferð“ og sýna aðeins það sem hentaði honum.
Trump tók þá til máls og beindi orðum sínum beint að Zelensky: „Ekki segja okkur hvað við munum finna fyrir. Þú ert í engri stöðu til að segja okkur það,“ sagði hann og bætti við: „Þú ert ekki í góðri stöðu núna. Þú hefur komið sjálfum þér í mjög slæma stöðu.“
HOLY SHIT
Zelensky isn’t used to strong leadership after dealing with Biden for 4 years.
Trump and Vance just owned him to his face pic.twitter.com/2JvgItFMr8
— Libs of TikTok (@libsoftiktok) February 28, 2025
Segir Úkraínu ekki hafa áhuga á friði
Trump ítrekaði síðan að Bandaríkin væru að reyna að leysa vandamálið en að Úkraína virtist ekki vilja hlusta á tillögur sem gætu bundið enda á blóðbaðið.
Einnig var rætt um mögulegt vopnahlé þar sem Trump hélt því fram að Úkraína væri í engri stöðu til að hafna slíku.
„Þú átt engra kosta völ. Menn þínir eru að deyja, þú ert að verða uppiskroppa með hermenn,“ sagði Trump og bætti við: „Ef þú gætir fengið vopnahlé núna, þá ættir þú að taka því, bara til að stöðva skothríðina og stöðva blóðbaðið.“
Zelensky varði afstöðu Úkraínu og sagði að landið vildi frið, en aðeins með tryggingum um að öryggi þess yrði tryggt.
„Auðvitað viljum við stöðva stríðið, en við þurfum tryggingar,“ sagði hann.
Trump virðist þó ekki hafa tekið þessum svörum vel og hélt áfram gagnrýni sinni á stefnu Zelensky í stríðinu.
„Hann getur komið aftur þegar hann er tilbúinn fyrir frið“
JD Vance blandaði sér einnig aftur í umræðuna og sagði að Zelensky ætti að sýna meira þakklæti í garð Bandaríkjanna, sem hefðu veitt Úkraínu ómældan fjárhagslegan og hernaðarlegan stuðning.
Hann gagnrýndi Zelensky einnig fyrir að hafa opinberlega stutt andstæðing Trump í kosningunum og fyrir að sýna forsetanum óvirðingu með hegðun sinni.
NOW – Trump to Zelensky in the Oval Office: „It’s going to be a very hard thing to do business like this.“pic.twitter.com/1xbAPiP4Yt
— Disclose.tv (@disclosetv) February 28, 2025
Harðorð yfirlýsing Trump eftir fundinn
Stuttu eftir fundinn birtist yfirlýsing frá Donald Trump á X þar sem hann gagnrýndi Zelenskyy harðlega eftir fund þeirra.
Sagði hann fundinn hafa verið „mjög mikilvægan“ en hélt því fram að Zelenskyy væri ekki tilbúinn til að semja um frið á meðan Bandaríkin væru þátttakendur í stríðsátökum Úkraínu og Rússlands.
„Ég hef komist að þeirri niðurstöðu að forsetinn (Zelensky) er ekki tilbúinn fyrir friðarviðræður ef Bandaríkin eru þátttandi í sstríðinu, því hann telur að aðkoma okkar veiti honum mikið forskot í samningaviðræðum,“ skrifaði Trump.
Hann bætti við að hann sjálfur vildi ekki gefa neinum forskot heldur vildi hann „frið“ og sakaði Zelensky um að hafa sýnt Bandaríkjunum vanvirðingu í hinum á sjálfri forsetaskrifstofunni.
„Hann getur komið aftur þegar hann er tilbúinn fyrir frið,“ sagði Trump að lokum í yfirlýsingu sinni en hana má sjá í heild sinni hér fyrir neðan.
“We had a very meaningful meeting in the White House today. Much was learned that could never be understood without conversation under such fire and pressure. It’s amazing what comes out through emotion, and I have determined that President Zelenskyy is not ready for Peace if… pic.twitter.com/CtnqXBNcW3
— President Donald J. Trump (@POTUS) February 28, 2025