Nýleg frétt DV um starfsemi DOGE hefur vakið mikla athygli, en í henni er gefið í skyn að stofnunin sé að reyna að fela mistök sín með því að fjarlægja upplýsingar af svokölluðum „kvittana-vegg“.
Þessi framsetning er þó í mótsögn við það sem Elon Musk, leiðtogi DOGE stofnunarinnar, hefur ítrekað sagt opinberlega.
Þarft ekki að treysta DOGE heldur geturðu einfaldleg fylgst með
Í færslu sem Musk deildi nýlega á X lagði hann áherslu á að fullkomin gagnsæi væri stefna DOGE.
Hann sagði:
„Vitið þið hvað er betra en að segja „treystu mér“? Fullkomið gegnsæi. Farið bara á doge.gov til að sjá hverja einustu aðgerð sem DOGE hefur framkvæmt í rauntíma. Við munum gera mistök. Við verðum ekki fullkomin—enginn er það. En við munum laga mistökin mjög hratt. Það sem skiptir máli er ekki að gera engin mistök, heldur að leiðrétta þau sem fyrst.“
Þetta gengur þvert á þá mynd sem DV reynir að draga upp, þar sem gefið er í skyn að upplýsingum sé viljandi eytt til að fela mistök.
Í raun er staðan sú að DOGE hefur sett allar ákvarðanir sínar á doge.gov, þar sem almenningur getur fylgst með öllu ferlinu í rauntíma.
Villandi framsetning fjölmiðla
Frétt DV nefnir að „kvittanir“ um sparnað hafi verið teknar niður en sleppir því að útskýra að það er einmitt í takt við yfirlýsta stefnu DOGE: Að leiðrétta mistök opinberlega og hratt.
Ef rangar eða ónákvæmar upplýsingar koma fram eru þær fjarlægðar og/eða uppfærðar til að tryggja að almennir borgarar hafi réttmætar og áreiðanlegar upplýsingar um aðgerðir ríkisstjórnarinnar.
Almenningur getur sjálfur metið staðreyndirnar með því að heimsækja doge.gov og sjá hverja einustu færslu í stað þess að treysta valkvæðri framsetningu fjölmiðla enda sé fullkomið gegnsæi markmið síðunnar.
Sjálfur hefur Musk sagt að ein af ástæðum þess að allt sé birt opinberlega sé til þess að fólk geti bent á rangfærslur eða mistök og aðstoðað DOGE teymið við að leiðrétta þau.
Brot úr myndbandinu er hægt að sjá hér fyrir neðan en viðtalið í heild sinni er hægt að sjá hér.