Rapparinn 50 cent eða Fimmtíu sent tilkynnti á Twitter í gær að hann hefði lokið tökum á nýju lagi þar sem hann fær aðstoð frá tónlistarmönnunum Ed Sheeran og Eminem.
I recorded a song last night with Eminem & ED Sheeran, I had fun doing it we got some heat. #lecheminduroi #bellator pic.twitter.com/GGE6WxISKO
— 50cent (@50cent) December 11, 2018
50 Cent gaf það í skyn fyrr á þessu ári að hann væri að vinna að tónlist með Eminem en þeir hafa nokkrum sinnum unnið saman áður. Síðasta lag sem þeir gáfu út saman var My Life árið 2012 en þá var Adam Levine söngvari Maroon 5 með þeim.
Eminem bauð 50 Cent og Ed Sheeran á svið á tónleikum sínum fyrr á þessu ári þar sem þríeykið tók sjálfu saman en atvikið vakti mikla athygli.
Engar upplýsingar hafa verið gefnar út um hvenær lagið kemur út en líklegt þykir að það verði á sjöttu plötu 50 cent sem rapparinn vinnur nú að.
Þetta er í fyrsta sinn sem 50 Cent vinnur með Ed Sheeran en Sheeran og Eminem gáfu út lagið River fyrr á árinu.