Þingmenn Miðflokksins héldu áfram að ræða þriðja orkupakkann á Alþingi í nótt. Í þetta sinn stóðu umræður til klukkan sex í morgun. Miðflokksfólk hefur nú eytt fjórum nóttum í umræður sín á milli um orkupakkann.
Guðjón Brjánsson, einn af forsetum þingsins, sleit fundi klukkan sex í morgun og frestaði umræðunni sem hefst á nýjan leik klukkan 15:30 síðdegis. Þá verður fyrsta mál á dagskrá þriðji orkupakkinn.