Embætti héraðssaksóknara hefur ákært karlmann fyrir nauðgun á sofandi stúlku í september á síðasta ári. Maðurinn er samkvæmt ákærunni sagður hafa haft samræði og önnur kynferðismök við stúlkuna án hennar samþykkis. Þetta kemur fram á vef RÚV í dag.
Konan vaknaði við það að maðurinn var að nauðga henni og í ákærunni segir að hún hafi ekki þorað að bregðast við og hafi ekki getað spornað við verknaðinum að sökum svefndrunga og ölvunar. Maðurinn er sagður hafa notfært sér þær aðstæður.
Farið er fram á að maðurinn verði dæmdur til refsingar og greiðslu alls sakarkostnaðar og þá fer konan fram á að maðurinn greiði henni 1,8 milljónir í miskabætur. Málið var þingfest í Héraðsdómi Norðurlands eystra í gær.