Svala Björgvins kemur fram á Þjóðhátíð í ár í fyrsta skipti. Hún er ein af þeim sem sér um sunnudagskvöldvöku hátíðarinnar og hitar upp fyrir brekkusöng og blys. Egill Ólafsson kemur einnig fram á sunnudagskvöldinu.
Þá var einnig staðfest í dag að Aldamótatónleikarnir verða haldnir á Þjóðhátíð í Eyjum en landslið sveitaballslaganna kemur þar fram. Magni, Hreimur, Gunni Óla og Einar Ágúst, Beggi í Sóldögg og Valur í Buttercup koma fram í hljómsveit sem Vignir Snær úr Írafár stjórnar.
Dagskrá Þjóðhátíðar 2019:
Herra Hnetusmjör, Huginn, GDRN, Flóni, ClubDub, Friðrik Dór, JóiPéxKróli, SZK, Lukku Láki, GRL PWR, Bjartmar Guðlaugs og Á Móti Sól.
Þjóðhátíð fer fram 1.-3.ágúst og miðasala er í fullum gangi á Dalurinn.is.