Hljómsveitin AmabAdamA hefur sent frá sér nýtt lag sem ber heitið Ein í nótt. Lagið er nú aðgengilegt á tónlistarveitunni Spotify.
Salka Sól, söngkona sveitarinnar, mætti í viðtal í Brennslunni á FM957 í gær og talaði um lagið. Hún segir að lagið sé kannski svolítið ólíkt því sem hefur komið frá sveitinni áður.
„Þetta er poppaðasta reggí lagið sem við höfum gefið út. Við segjum bara það sem við erum að hugsa og erum ekki mikið að tala undir rós. Það er mikil einlægni í því,” sagði Salka í Brennslunni. Hún segir lagið fjalla um átök sem geta komið upp á milli fólks í samböndum.