Arnar í Úlfur Úlfur lét flúra á sig Gúmmí Tarzan: „Reyni oftast að velja mér flúr sem munu fá mig til brosa út ævina“

Rapparinn Arnar Freyr Frostason annar meðlima hljómsveitarinnar Úlfur Úlfur fékk sér nýtt húðflúr á föstudaginn. Flúrið er frekar óvenjulegt en hann lét flúra mynd af Gúmmí Tarzan á handlegginn á sér.

Arnar hefur alla tíð verið mikill aðdáandi Gúmmí Tarzan. „Þetta er minn maður, Gúmmí Tarzan, einn ástsælasti karakter sem Ole Lund Kirkegaard skapaði. Hef síðan ég var yay high dýrkað sögurnar og myndskreytingarnar hans,“ segir Arnar í samtali við Nútímann.

Arnar heldur mikið upp á danska rithöfundinn Ola Lund Kirkegaard og Gúmmí Tarzan er líklega ekki fyrsti karakter Ola sem Arnar lætur flúra á sig. „Valið stóð á milli Gúmmí Tarzans, Virgils litla og Ottós nashyrnings. Þeir fá eflaust að slást í för við annað tækifæri. Reyni oftast að velja mér flúr sem munu fá mig til brosa út ævina.“

OP delivers pic.twitter.com/woEcXXxe5s

— arnar (@arnarfreir) October 13, 2017