Claressa Shields er án efa besta hnefaleikakona sögunnar en hún hefur unnið til fleiri verðlauna í íþróttinni en flesta gæti dreymt og er hún meðal annars tvöfaldur Ólympíumeistari í hnefaleikum og margfaldur heimsmeistari í fleiri en einum þyngdarflokki og hefur aldrei beðið ósigur í hringnum.
Shields setti nýlega inn færslu á miðilinn X þar sem hún gagnrýnir harðlega þátttöku transkvenna í hnefaleikum á Ólympíuleikunum.
Shields gengur reyndar skrefinu lengra og segir það hneyksli að karlmenn fái að keppa gegn konum á leikunum og segir að sjálf hefði hún aldrei látið bjóða sér slíkt.
Hún segir það sorglegt að konur sem hafi stefnt að þessu allt sitt líf lendi í að draumum þeirra sé rústað af karlmönnum.
Shields er sjálf þekkt fyrir að æfa að mestu með karlmönnum en hún segir það gera sig að betri bardagamanni.
So they got men fighting against women in the Olympics @Olympics boxing ! I wouldn’t have stood for no stuff like that! That is so heartbreaking to the women who have to have their dreams ruined by a man. Sad asf!
— Claressa Gwoat Shields (@Claressashields) July 30, 2024
Tveir trans keppendur í hnefaleikum
Þarna er verið að vísa í keppendurna Lin Yu-Ting frá Kína og Imane Khelif frá Alsír.
Bæði Yu-Ting og Khelif var meinað að keppa á heimsmeistaramóti áhugamanna á seinasta ári af Alþjóða hnefaleikasambandinu (IBA) þegar þær féllu á kynjaprófi og niðurstöður sýndu XY litninga en ekki XX eins og konur þurfa að hafa á því móti.
Sambandið hefur síðan misst vald sitt til að úrskurða um hvaða keppendur fá þátttökurétt á stórmótum og nefnd á vegum Ólympíuleikanna tekin við en sú nefnd úrskurðaði að transkonurnar skyldu fá þátttökurétt á leikunum í ár.
Aðrir keppendur ósáttir
Shields er vissulega ekki sú eina sem er æf yfir þessu en fyrirliði hnefaleikaliðs Ástralíu hefur einnig látið í sér heyra varðandi málið og segir sérstaklega hættulegt fyrir konur að keppa gegn karlmönnum í bardagaíþróttum vegna líkamlegra yfirburða.
