Todd Phillips, leikstjóri kvikmyndar um Jókerinn, hefur birt mynd af Joaquin Phoenix í hlutverki Jókersins. Myndin er þó ekki alveg eins og fólk bjóst við þar sem hann Joaquin er ekki farðaður í víðfrægt gervi Jókersins.
Myndin hefur ekki ennþá fengið nafn en Jókerinn er sem kunnugt er erkióvinur ofurhetjunnar Batman. Todd Phillips skrifaði aðeins „Arthur“ undir myndina af Joaquin Phoenix, sem er vísun í raunverulegt nafn Jókersins: Arthur Fleck.
Í myndinni fylgjum við Jókernum eftir og sjáum hann breytast úr grínista í glæpamann.