Bjarni Ben með lífvörð á Hilton

Árétting kl. 16.29: Vegna fréttar Vísis þar sem haft er eftir Elvu Björk Sverrisdóttur, upplýsingafulltrúa fjármálaráðuneytis, að búnaðurinn í eyra öryggisvarðarins hafi verið handfrjáls búnaður vill Nútíminn áretta að búnaðurinn leit svona út, samkvæmt viðstöddum:

Þá er fullyrt í fyrirsögn fréttarinnar að öryggisvörðurinn sé ekki lífvörður. Nútíminn kallar því eftir að Vísir skilgreini muninn á störfum öryggis- og lífvarða þegar kemur að öryggi ráðamanna landsins.

—

Bjarni Benediktsson fjármála- og efnahagsráðherra, flutti ávarp á árlegri fjármálaráðstefnu sveitarfélaga, sem hófst í morgun á Hilton Hótel Nordica. Athygli vakti að dökkklæddur öryggisvörður, með samskiptabúnað í eyranu, fylgdi Bjarna eftir og elti hann alla leið inn í bíl þegar ráðherrann yfirgaf ráðstefnuna.

Þetta á sér eðlilegar skýringar þar sem bíl­stjór­ar ráðherra sinna hlut­verki ör­ygg­is­varðar ráðherra. Þetta kem­ur fram í 8. grein reglu­gerðar um bifreiðamál rík­is­ins sem samþykkt var á síðasta ári:

Ríkið skal leggja ráðherrum ríkisstjórnarinnar til bifreið til afnota vegna starfa sinna og til aksturs frá heimili að vinnustað. Bifreiðin skal vera sérútbúin með öryggiskerfi og staðsetningarbúnaði og vera í eigu og rekstri ríkisins. Slíkri bifreið skal að jafnaði ekið af sérstökum bifreiðarstjóra sem sinnir jafnframt hlutverki öryggisvarðar hlutaðeigandi ráðherra.

Gestir á Nordica vissu ekki hvaðan á þá stóð veðrið þegar öryggisvörður Bjarna stillti sér upp og beið á meðan hann flutti ávarpið. Hann virtist þrautþjálfaður og kom það mönnum á óvart þegar hann settist undir stýri á bílnum.

Athygli vakt í fyrra þegar rík­is­lög­reglu­stjóri aug­lýsti eft­ir lög­reglu­manni á innri vef lög­regl­unn­ar sem átti að vera bíl­stjóri inn­an­rík­is­ráðherra. Var það í fyrsta skipti sem ráða þarf bíl­stjóra eft­ir að reglu­gerðin tók gildi.

Bílstjórar ráðherra þurfa að und­ir­gang­ast sér­staka þjálf­un vegna starfs­ins. Með breyt­ing­um á reglu­gerðinni var verið að aðlaga hana kröf­um nú­tím­ans um ör­ygg­is­mál og fella að verklagi sem þegar er viðhaft, til dæm­is í tengsl­um við ör­ygg­is­búnað í ráðherra­bif­reiðum.