Fjölgun fylgjenda á Instagram síðu landsliðsmannsins Rúriks Gíslasonar hefur vakið mikla athygli en hundruðir þúsunda hafa fylgt honum á Instagram eftir leik Íslands og Argentínu. Fyrir mótið var hann með 30 þúsund fylgjendur. Nú er hægt að veðja á hversu marga fylgjendur Rúrik mun fá.
Vefmálasíðan Coolbet.com hefur gefið notendum sínum kost á því að veðja á vinsældir Rúriks. Hægt er að veðja á hvort að Rúrik nái milljón fylgjendum áður en að HM lýkur. Þeir sem veðja á það geta náð að þrefalda pening sinn ef að það gerist.
Sjá einnig: Rúrik vinsæll í Argentínu: „Hvernig er hægt að vera svona sætur?”
Þegar þetta er skrifað er Rúrik kominn með 385 þúsund fylgjendur og nálgast milljónina hratt.