Eins og landsmönnum ætti að vera kunnugt um opnaði sænski verslunarrisinn H&M fyrstu verslun sína á Íslandi í dag, laugardag. Í kjölfarið munu svo opna samskonar verslanir í Kringulunni og í miðbæ Reykjavíkur.
Þegar verslunarrisinn Costco opnaði hér á landi varð til vinsæll Facebook-hópur sem kallast, Keypt í Costco Ísl.- Myndir og verð.Nú hefur verið stofnaður systurhópur, fyrir viðskiptavini H&M. Hópurinn ber nafnið H&M á Íslandi, verð og myndir og nú þegar hafa yfir 4.000 manns skráð sig í hópinn.
Sjá einnig: Mörg þúsund manns í hópi sem deilir verðum og myndum frá Costco
Markmið hópsins er að deila gleðinni og segja frá kaupum í versluninni og yfirskrift hópsins er einföld: „Deilum því sem við kaupum og er til í búðinni“ Forvitnilegt verður að sjá hvort þessi hópur nái sömu hæðum og Costo hópurinn.