Tónlistarmaðurinn Daði Freyr Pétursson og leikkonan Berglind Alda Ástþórsdóttir stýra saman sjónvarpsþættinum Verksmiðjan sem sýndur verður á RÚV í vor.
Í þáttunum er þátttakendum í Verksmiðjunni fylgt eftir. Verksmiðjan er nýsköpunarkeppni ungs fólks á aldrinum 13 til 16 ára þar sem hugmyndir þeirra og uppfinningar verða að veruleika.
Daði Freyr mun þá einnig taka þátt í Verksmiðjunni og þróa hljóðfæri í samstarfi við Fab Lab smiðjur víða um land.