Tímaritið People hefur valið David Beckham kynþokkafyllsta karlmann ársins árið 2015. Hann tekur við titlinum af Chris Hemsworth, sem má muna fífil sinn fegurri. Djók.
Spjallþáttastjórnandinn Jimmy Kimmel tilkynnti þetta í þætti sínum í gær og frumsýndi forsíðu blaðsins. Sjáðu myndbandið af tilkynningunni hér fyrir ofan.
David Beckham er fertugur og eins og allir vita kvæntur poppstjörnunni og tískuljóninu Victoriu Beckham. Þau eiga saman fjögur börn: Brooklyn, Romeo, Cruz og Harper.
Sjá einnig: Hvað ef Kevin Hart myndi leika David Beckham? Sprenghlægileg auglýsing frá H&M
Beckham grínaðist með útnefninguna í nokkurs konar þakkarræðu og sagði að þetta væri besta augnablikið á ferlinum.
Augljóslega vil ég þakka foreldrum mínum fyrir að koma mér í þennan heim. Ég vil einnig þakka hárgreiðslumanninum mínum, stílistanum, Photoshop …
Beckham segir í viðtalinu í People hað hann líti ekki á sig sem kynþokkafullan mann. „Mér finnst gaman að klæða mig í falleg föt og jakkaföt sem láta mér líða vel en ég pæli ekki mikið í þessu.“