Knattspyrnukappinn fyrrverandi og hjartaknúsarinn, David Beckham kláraði í nótt að setja saman Lego-kastala sem innihélt 4.080 kubba, fyrir dóttur sína, Harper Seven Beckham. Harper er sex ára og mikill Lego aðdáandi.
Beckham, sem byrjaði á verkefninu fyrir 6 dögum setti stoltur inn mynd af kastalanum á Instagram rétt eftir miðnætti í gær en kastalanum fylgdi 490 blaðsíðna bæklingur. “Einhver fær óvæntan glaðning í fyrramálið,“ skrifaði Beckham við myndina.
Beckham, byrjaði á verkefninu þann 9. ágúst og fékk mjög góð viðbrögð frá fylgjendum sínum á Instagram sem kepptust við að hrósa honum. “Besti pabbi í heimi,“ sagði einn.