Davíð Þór Jónsson, héraðsprestur á Eskifirði, íhugar forsetaframboð og sagðist í samtali við Vísi í síðustu viku vilja berjast gegn uppgangi útlendingahaturs á Íslandi. Davíð var í viðtali á Útvarpi Sögu um helgina sem verður að teljast með sérstakari viðtölum sem hafa farið í loftið á Íslandi.
Vefurinn Sandkassinn fjallar um viðtalið og birtir það í fullri lengd. Talið barst að Donald Trump í viðtalinu og í spilaranum hér fyrir ofan má heyra Davíð rökræða um Trump við þau Arnþrúði Karlsdóttur og Pétur Gunnlaugsson.
Arnþrúður sakar Davíð Þór um að vera með fordóma í garð Donalds Trump. Hann sagði að Trump væri mesta ógnin við heimsfriðinn um þessar mundir og vísaði þar í orð Sigmars Gabriel, efnahags- og orkumálaráðherra Þýskalands og varakanslara landsins.
Ég hélt að ég væri ekki að tala við svo forherta fasista að þeir væru þeirrar skoðunar að Donald Trump væri eitthvað annað en ógeð og fáráðlingur.
Hlustaðu á brotið úr viðtalinu hér fyrir ofan.