Donald J. Trump verður næsti forseti Bandaríkjanna. Nú þegar hefur fréttaveitan Reuters og bandaríski miðillinn Fox News lýst því yfir og má búast við að aðrar stórar fréttaveitur vestanhafs geri það í kjölfarið.
Fréttastofurnar byggja þetta á sigri Trump í Alaska og Pennsylvaníu en talning stendur þó enn yfir í Pennsylvaníu.
94% atkvæða hafa verið talin og hefur Trump hlotið 51% atkvæða en Harris 48%.
Pennsylvania er stærsta sveifluríkið en sigurvegarinn í ríkinu fær 19 kjörmenn.