Edda Sif Pálsdóttir leitaði ekki langt yfir skammt þegar hún valdi sér klæðnað fyrir kvöldið. Edda Sif tilkynnti stigin frá Íslandi í Eurovision og klæddist nýju landsliðstreyjunni í beinni útsendingu um alla Evrópu.
„Íslenska liðið er tilbúið í heimsmeistaramótið og íslenska liðið er tilbúið að gefa atkvæðin sín,“ sagði Edda og gaf Austurríki stigin tólf frá Íslendingum.
Sjá einnig: Fólkið á Twitter missti sig í tístunum yfir Eurovision
Þetta er ekki í fyrsta skipti sem íslenski stigakynnirinn fer óhefðbundnar leiðir. Unnsteinn Manuel Stefánsson sló í gegn árið 2016 þegar hann tilkynnti stigin með tíkina Lúnu í fanginu. Frammistaðan kom honum meðal annars á lista á vefnum Buzzfeed yfir kynþokkafulla Norðurlandabúa.