Íslendingar eru enn í gleðivímu eftir jafnteflið gegn Argentínu í fyrsta leik sögunnar á HM. Það er erfitt að finna Íslending sem fylgdist ekki með leiknum sem var gífurlega spennandi. Katrín Jakobsdóttir, forsætisráðherra, og Guðni Th. Jóhannesson, forseti Íslands, fylgdust með leiknum á Hvanneyri.
Argentínumenn komust yfir í leiknum en Alfreð Finnbogason jafnaði metinn. Hannes Þór Halldórsson var svo hetja Íslendinga en hann varði vítaspyrnu frá Lionel Messi í síðari hálfleiknum.
Katrín Jakobsdóttir birti þessa stórkostlegu mynd á samfélagsmiðlum eftir leikinn en þar má sjá hana og Guðna fagna því þegar Hannes varði vítið. Gleðin er ósvikin og myndin endurspeglar líklega ástandið á mörgum Íslendingum á þessari stundu.
Sjáðu myndina
Þegar Hannes varði! Hannes saves Messi’s penalty! #ARGICE #WorldCup #HUH pic.twitter.com/gsB8aezirw
— Katrín Jakobsdóttir (@katrinjak) June 16, 2018
Ríkisstjórn Íslands ákvað að sniðganga mótið í Rússlandi vegna árásar á Sergei Skripal og dóttur hans. Það voru því engir embættismann frá Íslandi viðstaddir á leiknum. Katrín og Guðni sendu þó góðar kveðjur á strákana okkar eftir leikinn.
TIL HAMINGJU STRÁKAR OG TIL HAMINGJU VIÐ ÖLL! Þið eruð algjörar hetjur og við gætum ekki verið stoltari! Þvílík barátta! #ARGICE #HUH #WorldCup
— Katrín Jakobsdóttir (@katrinjak) June 16, 2018