Milljarðamæringurinn Elon Musk, sem á Teslu, SpaceX og samfélagsmiðilinn X, sagði í viðtali við Dr. Jordan B. Peterson á mánudaginn að hann hefði verið „blekktur“ í að leyfa einum af sonum sínum að gangast undir kynleiðréttingaraðgerð og að barn hans hefði verið „drepið“ af „woke-vírusnum.“ Sá heitir Xavier – var eitt sinn drengur en er nú stúlka.
„Þetta er í raun og veru limlesting og ófrjósemisaðgerð á börnum,“ sagði Musk í þessu viðtali sem hefur vakið gríðarlega athygli en þar segir hann að „sérfræðingar“ hafi gefið það til kynna að sonur hans myndi svipta sig lífi ef hann fengi ekki umrædda kynskiptingu.
„Sonur minn er dáinn“
„Ég missti son minn í raun og veru. Hann er dáinn,“ sagði Musk sem opnaði sig upp á gátt í viðtalinu sem var birt í gær en þar kom einnig fram að milljarðamæringurinn hafi sett sér það markmið að eyða „woke-vírusnum“ úr samfélagi manna.
Viðtalinu var streymt í beinni útsendingu á fréttastofu DailyWire+ og samfélagsmiðlinum X.
Hvað mögulegt sjálfsvíg varðar þá sagði Peterson að það hafi verið lygi frá upphafi.
Læknar of huglausir til að stíga fram
„Enginn áreiðanlegur læknir trúði þessu nokkurn tímann. Það voru aldrei neinar sannanir fyrir þessu og ef það er hærri sjálfsvígstíðni hjá þessum börnum þá er ástæðan undirliggjandi þunglyndi og kvíði en ekki kynami (kynáttunarvandi). Hver einasti fjandans læknir veit það en þeir eru bara of huglausir til að stíga fram og segja það.“
„Þetta er ótrúleg illska og ég er á þeirri skoðun að fólk sem stendur í slíkum „leiðréttingum“ á börnum ætti að fara í fangelsi,“ sagði Musk.
“I was tricked into doing this… the people promoting this should go to prison.” @ElonMusk opens up to @JordanBPeterson about gender ideology’s impact on his son, Xavier. pic.twitter.com/1bdILGNdJE
— Daily Wire (@realDailyWire) July 22, 2024