Hópur erlendra ferðamanna neitaði að ferðast með rútu sem ekið var að kvenmanni hér á landi og þurfti að skipta um ökumann svo hópurinn gæti haldið áfram ferð sinni. Fólkið er íslamstrúar en greint er frá þessu á Vísi.
Konan sótti hópinn í Leifsstöð og ók honum í Bláa lónið og því næst á hótel í Reykjavík. Næst á dagskrá var útsýnisferð um borgina og nágrenni en þá áttaði fararstjórinn sig á því að bílstjórinn var kona.
Samkvæmt frétt Vísis hafði hann þá þegar í stað samband við erlenda ferðaskrifstofu sem hópurinn hafði keypt ferðina hjá og krafðist þess að konunni yrði skipt úr fyrir karlkyns bílstjóra. Það var látið eftir honum og varð konan að víkja.