Fjöldi ökumanna var stöðvaður í akstri í gær og er góður hópur þeirra grunaður um akstur undir áhrifum fíkniefna og eða áfengis. Þetta kemur fram í dagbók lögreglunnar á höfuðborgarsvæðinu en hún nær yfir verkefni embættisins frá 17:00 í gær og þar til 05:00 í morgun.
Þar kemur fram að nánast allar lögreglustöðvar á höfuðborgarsvæðinu bókuðu hjá sér verkefni þar sem einn eða fleiri ökumenn voru stöðvaðir í akstri grunaðir um að aka undir áhrifum.
Þá var tilkynnt um minniháttar umferðarslys auk þess sem embættið aðstoðaði borgarana við hin ýmsu tilefni.