Það er komið að því, við fáum framhald af jólamyndinni ljúfu, Love Actually! Handritshöfundur og leikstjóri myndarinnar og næstum leikarar myndarinnar ætla að koma saman á ný við gerð stuttmyndarinnar Red Nose Day Actually.
Meðal þeirra leikara sem munu koma fram í myndinni verða þau Colin Firth, Keira Knightley, Hugh Grant, Liam Neeson, Andrew Lincoln, Bill Nighy og Rowan Atkinson. Þau munu öll koma fram í sömu hlutverkum og í Love Actually.
Myndin verður sýnd á Red Nose Day Special, góðgerðarviðburði þar sem markmiðið er að safna peningum fyrir börn sem búa við fátækt í Bandaríkjunum og víðar um heiminn.
Red Nose Day Actually verður sýnd á sjónvarpsstöðinni BBC1 24. mars .