Lottóæði ríkir í Bandaríkjunum. Fyrsti vinningur í Powerball-lottóinu er búinn að slá met sem þýðir að fréttamenn fara á stúfana og spyrja hvað fólk myndi gera við peningana ef það myndi vinna.
Í myndbandinu hér fyrir ofan má sjá afar hreinskilið svar frá manni sem fékk þessa spurningu á dögunum. Allt getur gerst í beinni og fréttakonan var snögg að kippa hljóðnemanum til sín þegar hann svaraði: „Fullt af hórum og kókaíni.“
Enginn var með allar tölurnar réttar í Powerball-lottóinu á laugardaginn. Það þýðir að potturinn verður 675 milljónir dala á miðvikudaginn og það er met. Það eru um 88 milljarðar íslenskra króna.
Líkurnar á því að vinna eru ekkert sérstakar: Einn á móti 292.200.000.