Fyrsta stiklan úr þáttunum Rikki fer til Ameríku var sýnd á vef Vísis í gær. Um er að ræða sex þátta seríu sem hefst á Stöð 2 þann 11. ágúst. Þeir Ríkharð Óskar Guðnason og Auðunn Blöndal heimsækja áfangastaði Icelandair í Bandaríkjunum í þáttunum. Sjáðu stikluna hér að neðan.
Rikki hefur aldrei áður farið til Bandaríkjanna en hann heimsótti borgirnar Denver, Seattle, Portland, Orlando, Chicago og New York í ferðinni. Auðunn Blöndal átti hugmyndina að þáttunum en hann segir í samtali við Vísi að það sé algjör veisla að ferðast með Rikka. Hann segist ánægður með útkomuna.