Gísli Örn Garðarsson fer með aðalhlutverkið í uppsetningu Þjóðleikhússins á Fjalla-Eyvindi, eftir Jóhann Sigurjónsson. Stefan Metz leikstýrir verkinu sem verður frumsýnt í vetur.
Eins og myndin sýnir gjörbreytir Gísli Örn sér fyrir hlutverkið sem ku vera ansi krefjandi miðað við lýsingu Þjóðleikhússins á verkinu:
Sögur af útilegumanninum Fjalla-Eyvindi og hinni stórlyndu ástkonu hans, Höllu, sem uppi voru á átjándu öld hafa lifað góðu lífi með íslensku þjóðinni allt fram á okkar daga. Leikrit Jóhanns Sigurjónssonar er átakamikið og grípandi, skrifað af næmum mannskilningi og býr yfir mikilli harmrænni dýpt.